طارق شوقي: «الجيل الحالي محظوظ في التعليم عن أجيال زمان» – مصر
قال الدكتور طارق شوقي وزير التربية والتعليم، إن الجيل الحالي محظوظ، لأن طلب العلم الآن أصبح سهلا، بوجود المنصات الرقمية والمعرفة الإلكترونية، بعكس أيامه قائلًا: «من 40 سنة أيام دراستي مكنش الكلام دة موجود»، موضحًا أن الهدف هو وجود طريقة جديدة لحل الأسئلة، عن طريق التفكير الناقد والإبداع وحل المشكلات.
وشدد الوزير، في رسالة مصورة للطلاب عبر قناة مدرستنا، قائلًا: «زي ما العلماء بيدوروا على لقاح ضد كورونا، بردو إحنا لازم نتعلم الجديد عشان نطور التعليم، مش محتاجين نحفظ حاجة، كل حاجة بقت على التليفون واللاب توب»
وتابع: «التقييم سيكون على فهم نواتج التعلم، وليس الحفظ»
التعليم تكشف عن مصادر التعلم
وشدد الوزير، أن بنك المعرفة المصري، من أكبر المكتبات المعرفية في العالم كله، «كل المعلومات اللى الطالب عايزها في أى فرع هيلاقيها»، موضحًا أن الوزارة تستعد لطرح منصة تعلم إلكترونية جديدة باسم «حصص» قريبا، سيطرح عليها مواد تعليمية للمرحلة الثانوية.
وتابع الوزير: «هدفنا إن مفيش بعبع امتحانات، ولا بعبع حصص، لسه فيه كتير دول معندهاش اللى عندنا من مصادر تعلم»
طارق شوقي يكشف سبب تغيير نظام المرحلة الثانوية
«علشان نحل بناء على فهم مش حفظ».. في الفيديو المطروح للطلاب، أجاب الوزير عن سبب تغيير نظام التقييم في المرحلة الثانوية، هدفه أن يحل الطالب بناء على الفهم وليس الحفظ، بحسب تعبيره، وأن يكون لدى الطلاب تكوين معرفي في المرحلة الثانوية.
وكشف الوزير، أن الدولة المصرية قررت أن تأتي بالعلوم من منابعها الأصلية، قائلًا: «مثلا بنك المعرفة معمول للتعليم الأساسي وللجامعي، اللى بيعمل أبحاث، أو عموم القراء، كل محتوى له مصدر وناشر معين، وفيه أيضا منصة لطلاب ثانوي، وأي حد يدخل هيلاقي موسوعات علمية كبيرة، زى موسوعات التشريح والموسوعة البريطانية المُعتمدة»
واختتم: «كل مصادر التعلم هنا معروفة للمحامي والدكتور والمتخصص العلمي»
